بریلی: حضرت حسنی میاں کو خراج عقیدت

اترپردیش کے شہر بریلی میں واقع خانقاہ عالیہ نیازیہ کے سجادہ نشین حضرت شاہ محمد حسنین میاں نیازی عرف حسنی میاں قریب پانچ دن قبل رحلت فرما گئے تھے۔

ریاست اترپردیش کے ضلع بریلی میں واقع صوفی سلسلہ کی خانقاہ عالیہ نیازیہ میں سجادہ نشین کی رحلت کے بعد سماجوادی پارٹی کے عہدے داران اور کارکنان نے خراج عقیدت پیش کرنے کے لیے خانقاہ پہنچے۔ اس دوران اُنہوں نے خانقاہ کے سجادہ نشین حضرت شبّو میاں سے ملاقات کی اور اظہار غم پیش کرتے ہوئے اپنی وابستگی سے روبرو کرایا۔

پارٹی کے سابق وزیر، ترجمان اور سیکریٹری عطا الرحمٰن نے خانقاہ پہنچ کر پہلے حضرت حسنی میاں کے مزار پر گل پوشی کی اور فاتحہ خوانی کی۔ اس کے بعد حسنی میاں کے بھائی اور خانقاہ کے مینیجر حضرت شبّو میاں سے ملاقات کرکے پارٹی کے قومی صدر اکھلیش یادو سے فون پر بات بھی کرائی۔ اکھلیش یادو نے فون پر کافی دیر تک بات کرتے ہوئے تعزیت پیش کی اور گھر والوں کو صبر کی تلقین کی۔

حضرت حسنی میاں کو خراج عقیدت

شبّو میاں کے مطابق اکھلیش یادو نے کہا ہے کہ پارٹی کی جانب سے اگر میرے لیے کوئی حکم ہو تو اس کی تعمیل کی جائےگی۔ حالاکنہ حضرت شبّو میاں نے مزید کہا کہ یہ خانقاہ عالیہ نیازیہ میں تمام مذاہب کے لوگوں کی شرکت ہوتی ہے۔

حضرت حسنی میاں کو خراج عقیدت

انہوں نے مزید کہا کہ یہ فقیروں کا در ہے، یہاں سے کوئی خالی ہاتھ واپس لوٹ کر نہیں جاتا ہے۔ یہاں جو لوگ خراجِ عقیدت پیش کرنے آ رہے ہیں، اُن کی محبت اور عقیدت کی یہی ایک مثال ہے کہ وہ اس وقت خانقاہ کے سوگواروں میں شامل ہیں۔ جو لوگ کسی وجہ سے یہاں نہیں آ پائے ہیں، خدائے تعالیٰ اُن کی حاضری کو بھی قبول فرمائے۔