دیوبند میں شجر کاری مہم کے تحت ہزاروں پودے لگائے گئے

اترپردیش کے وزیر اعلیٰ نے آج ریاست اترپردیش میں 25 کروڑ پودے لگانے کا ہدف رکھا ہے، جس کے تحت سہارنپور کے دیوبند علاقہ کے گاؤں بھائلہ میں ریپڈ ایکشن فورس نے بھی الگ الگ قسم کے پودے لگائے۔

پروگرام میں مہمان خصوصی اسمبلی رکن کنور برجیش سنگھ نے پیپل کا پودا لگا کر شجرکاری کا آغاز کیا۔

اس موقع پر رکن اسمبلی کنور برجیش سنگھ نے کہا کہ، 'درخت زمین پر رہنے والے ہر انسان کے لئے فائدہ مند ہے۔'

انہوں نے لوگوں سے اپیل کی کہ ماحولیات کو بنائے رکھنے کے لئے زیادہ سے زیادہ شجر کاری کریں۔

آر اے ایف کمپنی کے ڈپٹی ڈائریکٹر رامیش ور نے بتایا کہ، 'وزیر داخلہ کی ہدایت پر ہماری کمپنی 20 ہزار پودے لگارہی ہے۔'

انہوں نےکہا کہ، 'آکسیجن کی سطح میں اضافہ کرنے کے لئے فوج کی جانب سے یہ شجر کاری کی جارہی ہے اور اس کے لئے 15 روز سے تیاریاں کی جارہی تھیں۔'