ریاست اترپردیش میں اوريہ کے جالون چوک پر ایک ٹریول ایجنٹ کا گولی مار کر قتل کر دیا گیا ۔
پولیس ذرائع نے اتوار کو بتایا کہ 'ہفتہ کی دیر شام جالون چوک کے قریب واقع امرپالي ٹوریسٹ بس کے ایجنٹ رام پرمود پال (50) اپنے دفتر پر بھانجے سنیل کمار پال کے ساتھ بیٹھے ہوئے تھے کہ تب ہی موٹر سائیکل سوار تین افراد آئے اور طمنچہ سے فائر کر دیا۔ گولی رام پرمود کے سینے میں لگی جس سے وہ شدید زخمی ہو کر گر گئے۔ اسی درمیان حملہ آور موقع سے فرار ہو گئے۔ '
انہوں بتایا کہ 'زخمی رام پرمود کو ضلع اسپتال میں داخل کرایا گیا جہاں ڈاکٹروں نے اسے کانپور کے لئے ریفر کر دیا۔ سیفائی لے جاتے وقت راستے میں زخمی ایجنٹ کی موت ہو گئی۔
پولیس نے بتایا کہ 'واقعہ کے بعد پولیس سپرنٹنڈنٹ سنيتا نے جرائم کی روک تھام کے لئے موثر کارروائی نہ کرنے اور اس فرائض کے تئیں غفلت برتنے کے الزام میں برھم نگر چوکی انچارج نشا شرما کو فوری طور پر معطل کر دیا ہے۔'
اطلاع کے مطابق 'ملزمان کی فوری گرفتاری کے لئے سرولانس ٹیم سمیت 04 پولیس ٹیموں کی تشکیل دی گئی ہے۔'
