اترپردیش کے بارہ بنکی کے ڈی آر ڈی اے کے آڈیٹوریم (DRDA Auditorium) میں ہوئے اس ٹریننگ پروگرام کو عالمی سماجی تنظیم آغا خان فاؤنڈیشن اور ورلڈ ہیلتھ آرگنائزیشن کے تعاون سے کرایا گیا۔
واضح رہے کہ جل جیون مشن (Jal Jeevan Mission) کے تحت ضلع میں 25 گاؤں کا انتخاب پائلیٹ پروجیکٹ کے طور پر کیا گیا۔
ان گاؤں میں صاف اور ضرورت بھر پانی سیدھے نل سے پہنچایا جانا ہے۔ دیہی علاقوں میں عوام کو واٹر سیفٹی کے تئیں بیدار کرنے اور واٹر سیفٹی کے طریقوں کو بتانے کے لئے ٹرینرس کے لئے اس ٹریننگ پروگرام کا انعقاد کیا گیا۔ اس میں آغا فاؤنڈیشن اور ورلڈ ہیلتھ آرگنائزیشن واٹر سیفٹی کی منصوبہ بندی اور میعار طے کرنے کا کام کر رہے ہیں۔
اس کام میں ان کے سامنے چیلینجیز تو ضرور آ رہے ہیں، لیکن انہیں یقین ہے کہ وہ اپنے مقصد میں کامیاب ضرور ہوں گے۔
