ایودھیا کے قریب ٹرین حادثہ

جموں توی ایکسپریس کا انجن آج صبح پٹری سے اس وقت اتر گیا جب وہ پٹرنگا اسٹیشن کے قریب تھی۔

ایودھیا کے قریب پٹرنگا اسٹیشن پر آج صبح کولکاتا سے جموں کو جانے والی جموں توی ایکسپریس کا انجن پٹری سے اتر گیا۔

ٹرین حادثے میں ٹرین کی بوگی کے چار پہیے پٹری سے اتر گئے، حالانکہ اس حادثے میں کوئی زخمی نہیں ہوا ہے۔ حادثے کے بعد ریلوے کے عہدیداروں کو اس کی اطلاع ملی جس کے بعد انہوں نے جائے حادثہ پر پہنچ کراس کی جانچ کی۔

صبح جب کولکتہ جموں توی ایکسپریس پٹرنگا کے قریب پہنچی تو اچانک بوگی کے چار پہیے پٹری سے اتر گئے۔ اس سے مسافروں میں افراتفری مچ گئی، حالانکہ اس سے کسی قسم کا نقصان نہیں ہوا ہے۔