مرکزی حکومت کے زرعی قوانین کے خلاف مئو ضلع میں بھی کاشتکاروں نے ٹریکٹر جلوس کا انعقاد کیا۔ سماجوادی پارٹی کی اپیل پر مئو ضلع کے کئی گاؤں سے کاشتکاروں اور سیاستی پارٹیوں کے کارکنان کا ٹریکٹر جلوس برآمد ہوا۔
مئو کی دادن پور گاؤں پنچایت سے نکالے گئے جلوس کو پولس اہلکاروں نے روکنے کی کوشش کی لیکن سماجوادی پارٹی کے حمایت یافتہ کاشتکار آگے بڑھنے میں کامیاب رہے۔
مئو ضلع کی اسرا بزرگ سے سابق فوجی اور سماجوادی اقلیتی سیل کے ضلع صدر عثمان غنی خان کی قیادت میں بھی ایک ٹریکٹر ریلی کا اہتمام کیا گیا۔ اس موقع پر کثیر تعداد میں کاشتکاروں نے شرکت کی۔
مزید پڑھیں:
ندوا سرائے گاؤں پنچایت سے سماجوادی پارٹی کے لیڈر اور اترپردیش قانون ساز کاؤنسل کے ممبر رام جتن راج بھر کی قیادت میں بھی ایک جلوس برآمد ہوا۔ یہ جلوس درجنوں ٹریکٹر پر مشتمل تھا۔ ٹریکٹر جلوس میں شامل کارکنان نے حکومت کے خلاف خوب نعرے بازی کی۔