آگرہ: تین نوجوانوں کی دم گھٹنے سے موت

ریاست اترپردیش کے شہر آگرہ کے سیاں علاقے میں اتوار کو کنواں صاف کرنے کے دوران تین نوجوانوں کی موت ہو گئی۔

پولیس ذرائع کا کہنا ہے کہ ضلع کے سیاں علاقے کے سورا گاؤں میں کنواں صاف کرنے کے لیے کنویں میں ایک کے بعد ایک تین نوجوان اترے تھے جن کی شناخت لکھن، بھولو اور پپو کے طور پر ہوئی ہے۔

کافی گہرے کنویں میں زہریلی گیس کی وجہ سے تینوں کی دم گھٹنے سے موت ہوگئی۔

اس واقعہ سے ناراض دیہاتیوں نے آگرہ گوالیار قومی شاہراہ پر احتجاج کیا۔

پولیس کو اس واقعے کی اطلاع ملی جس کے بعد پولیس نے احتجاجیوں کو منتشر کیا۔

ذرائع نے بتایا کہ پوسٹ مارٹم کے بعد لاشوں کو ان کے اہل خانہ کے حوالے کر دیا گیا ہے۔