میرٹھ میں سڑک حادثہ، تین نوجوانوں کی موت

ضلع میرٹھ سڑک حادثے میں کار کے پرخچے اڑ گئے اور اس میں سوار تین نوجوانوں کی موقع پر ہی موت ہو گئی۔

ریاست اتر پردیش کے ضلع میرٹھ میں اتوار کو ایک دردناک سڑک حادثہ پیش آیا۔ سڑک حادثے میں کار میں سوار تین نوجوانوں کی موت ہوگئی، ان کی شناخت کی کوششیں جاری ہے۔

پولیس نے یہاں بتایا کہ پولو کار میں سوار تین نوجوان دہلی سے ہری دوار جارہے تھے۔ یہ حادثہ ہری دوار قومی شاہراہ پر کنکرکھیڑا علاقے میں کھروا چوراہے کے قریب صبح تقریباً 3 بجے اس وقت پیش آیا جب گاڑی ایک راہگیر کو بچانے کی کوشش میں بے قابو ہو کر سڑک کی سائیڈ ریلنگ سے جا ٹکرائی۔

اس حادثے میں کار کے پرخچے اڑ گئے اور اس میں سوار تین نوجوانوں کی موقع پر ہی موت ہو گئی۔

پولیس نے کسی طرح گاڑی میں پھنسی لاشوں کو باہر نکالا اور پوسٹ مارٹم کے لیے بھیج دیا۔ پولیس لاشوں کی شناخت کرنے کی کوشش کر رہی ہے، فی الحال معلوم ہوا ہے کہ تینوں نوجوان دہلی سے ہری دوار کے لیے روانہ ہوئے تھے۔

(یو این آئی)