ریاست اترپردیش کے شہر مہوبہ میں ایک تیز رفتار انووا کار درخت سے ٹکرا گئی جس میں تین افراد کی موت اور چار شدید زخمی ہو گئے جنہیں ایمبولینس کے ذریعہ ضلع ہسپتال لایا گیا۔ تاہم دو کی حالت نازک ہونے پر ڈاکٹر نے انہیں میڈیکل کالج ریفر کردیا ہے۔
یہ حادثہ کوتوالی علاقے کے کانپور ساگر شاہراہ پر پیش آیا۔ اس حادثے میں کانپور کی مشہور کیرتن پارٹی کرانتی مالا کے لوگ سوار تھے۔ کرانتی مالا پارٹی کے انل کمار اور آدتیہ شرما شدید زخمی ہوئے ہیں جن کا علاج جھانسی میں کیا جارہا ہے۔
حادثے کے عینی شاہدین وجے پال نے بتایا کہ 'ان کی گاڑی 100 میٹر کی دوری پر تھی تبھی تیز آواز آئی جاکر دیکھا تو ایک کار درخت سے ٹکرائی ہے۔ جسکے بعد اس حاثے کی جانکاری پولیس کو اور ایمبولینس کو دی'۔