دہلی تشدد میں بجنور کے تین افرادکی جان گئی

دہلی تشدد میں ریاست اترپردیش کے ضلع بجنور کے تین افراد ہلاک ہو ئے، جن کی لاشیں بجنور کے لیے روانہ ہو گئی ہے۔ اہل خانہ وعلاقے کی عوام جنازہ آنے کی بے صبری سے انتظار کر رہی ہے۔

اترپردیش کے بجنور ضلع کے تھانا سیوہارہ کے سہسپور کے رہنے والے دو افراد سلمان و صابر دہلی تشدد میں میں ہلاک ہو گئے، تو وہیں دوسری جانب بجنور سے متصل گاؤں کھاری میں ایوب نام کا شخص جو دہلی میں آٹو رکشہ چلا کر اپنا اور گھر والوں کا پیٹ بھرتا تھا، ہلاک ہو گیا۔

وہیں غم زدہ ماحول میں سلمان کے رشتہ داروں نے بھارت میں بھائی چارے کا پیغام دیا ہے، امن و چین ماحول قائم ہو، دہلی تشدد میں ہلاک ہوئے افراد کو پروردگار جنت الفردوس میں اعلیٰ مقام عطا فرمائے۔