ریاست اترپردیش کے ضلع علی گڑھ تھانہ دہلی گیٹ علاقے میں بھائی بہن سمیت تین افراد کی کورونا وائرس رپورٹ مثبت آئی ہے۔ اے ایم یو، شعبہ رابطہ عامہ کے رکن انچارج پروفیسر شافع قدوائی کی اطلاع کے مطابق 3 اور کورونا وائرس کی رپورٹ مثبت آئی ہیں۔ جن کے نمونے علی گڑھ چیف میڈیکل آفیسر نے بھیجے تھے۔ جواہر لعل نہرو میڈیکل کالج اور علی گڑھ انتظامیہ کو اس کی رپورٹ بھیج دی گئی ہے۔
بتایا جارہا ہے تین مثبت میں دو بھائی بہن بھی شامل ہیں۔ تین مثبت کے بعد ضلع میں کورونا متاثرین کی تعداد 63 پہنچ گئی ہے۔ جس میں 5 افراد کی موت بھی ہو چکی ہے اور 22 صحت یاب ہو کر گھر جا چکے ہیں۔ موجودہ وقت میں 36 مثبت مریض ہیں۔
واضح رہے گزشتہ روز دو افراد کی کورونا وائرس سے موت کے بعد علی گڑھ انتظامیہ نے ایک خاص میٹنگ کرکے ضلع علی گڑھ کے تھانہ کوتوالی، دہلی گیٹ اور ساسنی گیٹ کے علاقوں میں گزشتہ رات بارہ بجے سے مکمل لاک ڈاؤن نافذ کرنے کا اعلان کیا تھا۔