Medical Fitness Camp for Haj Pilgrims مظفر نگر میں حج پر جانے والے عازمین حج کیلئے فری میڈیکل فٹنس سرٹیفکیٹ کیمپ کا اہتمام

مظفر نگر سے اس مرتبہ 580 عازمین سفر حج کے لئے روانہ ہوں گے۔ مظفّر نگر کی تنظیم انجمن خادم الحجاج کی جانب سے عازمین حج کے لیے سہ روزہ فری میڈیکل فٹنس سرٹیفکیٹ کیمپ کا انعقاد کیا گیا ہے۔ اس میڈیکل کیمپ میں عازمین حج اپنا میڈیکل فٹنس سرٹیفکیٹ بنوانے کے لئے پہچے۔ Medical Fitness Camp For Haj Pilgrims

مظفر نگر: رمضان المبارک کے درمیان عازمین حج کے سفر کی تیاریاں بھی زور شور سے جاری ہیں۔ ریاست اترپردیش کے ضلع مظفرنگر میں عازمین حج کے لئے سہ روزہ فری میڈیکل کیمپ کا اہتمام کیا گیا۔ عازمین حج کی ایک بڑی تعداد میڈیکل فٹنس سرٹیفکیٹ بنوانے کے مقصد سے فری طبی کیمپ میں ہینچے۔ تنظیم کے کارکن محمد غانم نے بتایا کہ آج یہاں سفر حج پر جانے والے عازمین حج کے لئے میڈیکل کیمپ کا انعقاد کیا گیا ہے۔ ان کا میڈیکل ایگزامینیشن ہوا ہے۔ اس میڈیکل کیمپ میں حاجیوں کے لیے میڈیکل فٹنس سرٹیفکیٹ بنائے گئے ہیں۔

انہوں نے کہا کہ عازمین حج کے لئے طبی جانچ کا بھی اہتمام کیا گیا تھا۔ اس کیمپ کا مقصد یہ ہے کہ عازمین حج کی روانگی سے ان کی تمام طبی جانچ مکمل کرنا ہے۔ ان کا کہنا ہے کہ تنظیم انجمن خادم الحجاج گذشتہ 31 برسوں سے حاجیوں کی خدمت کرتی آرہی ہے۔ اس مرتبہ مظفرنگر سے 580 افراد حج پر جا رہے ہیں۔ ان عازمین حج کو تر سہولیات فراہم کرنے کی کوشش کی جا رہی ہے۔

تنظیم کے ذمہ دار کے مطابق عازمین حج کی روانگی سے لے کر ان کی آمد تک پوری طرح سے خیال رکھا جاتا ہے۔ اس تنظیم میں حاجی توفیل حاجی ساجد حاجی شاہنواز حاجی قیوم حاجی تسلیم حاجی سرفراز وغیرہ حاجیوں کی فی سبیل اللہ خدمت کر رہے ہیں۔ہمیں امید ہے کہ ہماری تنظیم کی جانب سے مستقبل میں عازمین حج کی خدمت کا سلسلہ جاری رہے گا۔