گوتم بدھ نگر: پولیس تصادم، تین مویشی اسمگلر گرفتار

اترپردیش میں ضلع گوتم بدھ نگر کے جارچا علاقے میں ہوئے پولیس تصادم میں تین مویشی اسمگلر زخمی ہو گئے، جنہیں گرفتار کرلیا گیا ہے۔

پولیس کے ترجمان نے جمعہ کو یہاں یہ اطلاع دی ۔ انہوں نے بتایا کہ جارچا علاقے میں رات کو چونا موڑپر چیکنگ کے دوران پولیس نے پک اپ کو گاڑی سوار مویشی اسمگلروں کو روکنے کی کوشش کی۔ خود کو گھیر ا دیکھ کر ان لوگوں نے پولیس پر فائر کر دیا اور بھاگنے لگے۔
پولیس نے بھی جوابی کارروائی کرتے ہوئے گولی چلائی، جس سے تین اسمگلر زخمی ہو گئے، جنہیں پکڑ لیا۔
زخمیوں نے اپنا نام سونو، پپو اور مهندی بتایا ہے۔ یہ لوگ ضلع ہاپوڑ کے دھولانا علاقے کے رہنے والے ہیں۔
تینوں کو اسپتال بھیج دیا گیا ہے۔ انہوں نے بتایا کہ پکڑے گئے مویشی اسمگلروں کے قبضے سے تین تمنچے، کچھ کارتوس، ایک پک اپ گاڑی اور مویشی برآمد کئے ہیں ۔