Three Branches Of Shaheen Group Will Be Inaugurate:کانپورمیں شاہین گروپ کی تین شاخوں کا افتتاح کیا جائے گا

امن اور ترقی کی راہ پر گامزن ایسوسیشن آف مسلم پروفیشنلس نے اترپردیش کانپورمیں شاہین گروپ کرناٹک کے اشتراک سے مسلم اسکول کالج اورمدارس کے بچوں کے لیے تین شاخوں کا آغاز کرنے کا اعلان کیا ہے۔ ان شاخوں میں نوے فیصد حفاظ بچوں کو فوقیت دی جائے گی۔

کانپور: ریاست اتر پردیش کے صنعتی شہر کانپور میں شاہین گروپ کے چیئرمین عبدالقدیر نے تین نئے برانچ کھولیے کا اعلان کیا ہے۔ ان شاخوں میں ان بچوں کو ترجیح دی جائے گی جو حافظ ہیں،یا پھر ابھی کسی اسکول میں داخلہ نہیں لیا ہے۔ ان بچوں کو عصری اور دینی تعلیم سے آراستہ کیا جائے گا۔ دس فیصد یتیم اور نادار بچوں کو داخلہ دیا جائے گا۔ جنہیں انٹرمیڈیٹ تک تعلیم دی جائے گی۔

شاہین گروپ کے چیئرمین عبدالقدیر نے بتایا کہ وہ پچاس فیصد لڑکیوں کو بھی عصری تعلیم دینے کا منصوبہ رکھتے ہیں۔انہوں نے بتایا کہ تین شاخوں میں ایک ریگولر شاخ ہوگی اور دو اکیڈمک سینٹر ہوں گے جس میں مدرسے کے بچوں کو خاص طور پر تعلیم دی جائے گی۔ شاہین گروپ کے اساتذہ کا قیام و طعام کا خرچہ شاہین گروپ کی جانب سے مفت ہوگا۔

انہوں نے بتایا کہ ان حفاظ بچوں کے لیے اکیڈمک انسٹیٹیوٹ سنٹر یونٹ قائم کیا جائے گا، جس میں ان حفاظ بچوں کو عصری تعلیم سے آراستہ کیا جائے گا۔ ایک سینٹر اسکول میں چلے گا جو ریگولر سنٹر ہوگا ،دو سینٹر مدرسہ الجامعہ القاسمیہ میں اور ایک سینٹر کانپور کا سب سے بڑا مدرسہ جامعہ العلوم پٹکاپور میں چلایا جائے گا ۔جس کے سارے اخراجات شاہین گروپ کی جانب سے فراہم کئے جائیں گے۔

ایسوسی ایشن آف مسلم پروفیشنلس کے اس اقدام نے کانپور میں پانچ ایجوکیٹرز میٹ کے ذریعے کانپور میں کورونا کے بعد سے سست پڑے تمام مسلم اسکول کالج اور مدارس کے ذمہ داران میں ایک نئی جان ڈال دی۔