'تین اراکین اسمبلی وکاس دوبے کے رابطے میں تھے'

مبینہ طور پر گینگسٹر وکاس دوبے کے فائنانسرجئے کانت باجپئی نے ای ٹی وی بھارت سے خصوصی گفتگو کے دوران سنسنی خیز انکشاف کرتے ہوئے کہا کہ بھارتیہ جنتا پارٹی کے تین اراکین اسمبلی گینگسٹر وکاس دوبے کے مسلسل رابطے میں تھے۔

کانپور کے تاجر اور وکاس دوبے کے مبینہ فائنانسر جے کانت باجپئی نے ای ٹی وی بھارت سے سنسنی خیز انکشاف کرتے ہوئے کہا کہ بھارتیہ جنتا پارٹی کے تین اراکین اسمبلی وکاس دوبے کے رابطے میں تھے۔ ان اراکین اسمبلی کا تعلق کانپور اور اناؤ سے ہے۔ تاہم ، باجپائی نے کسی بھی ممبر اسمبلی کے نام ظاہر نہیں کیے۔

یہ بیان فائنانسر جئے کانت باجپئی نے پیر کو جیل جاتے ہوئے ای ٹی وی بھارت سے خصوصی بات چیت میں دیا۔

جئے باجپئی کو اتوار کی رات اس کے ساتھی گڈو کے ساتھ اسلحہ مہیا کرنے کے الزام میں گرفتار کیا گیا تھا جس میں 3 جولائی کو آٹھ پولیس اہلکار ہلاک ہوگئے تھے ۔

باجپائی نے ای ٹی وی بھارت کو بتایا کہ۔''بی جے پی کے تین اراکین اسمبلی گینگسٹر کے لئے کام کرتے ہیں۔ اس نے کہا کہ کابینہ کے وزراء سمیت بی جے پی اور بہوجن سماج پارٹی (بی ایس پی) کے تقریبا تمام ممبران اسمبلی گینگسٹر دوبے سے قریبی رابطے میں تھے۔ چونکہ پولیس ان وزراء کو گرفتار نہیں کرسکتی تھی اس لیے انہوں نے مجھے گرفتار کرلیا۔ ''

جب ان سے لکژری گاڑی کے بارے میں پوچھا گیا جو کانپور پولیس کو ملی تھی، تو باجپائی نے کہا "میں نے اپنی گاڑی کو وجے نگر کے علاقے کے پاس کھڑا کیا تھا تاکہ گینگسٹر کو کسی طرح کی مدد فراہم کرنے سے گریز کیا جاسکے۔ میں نے اس کی سی سی ٹی وی فوٹیج خود پولیس کو پیش کردی ہے۔ مجھے نہیں معلوم کہ وہ (پولیس) مجھے جھوٹے مقدمے میں کیوں ملوث کررہے ہیں۔ مجھے جو کچھ بھی معلوم تھا ، میں نے پہلے ہی پولیس کو بتا دیا ہے۔''

باجپئی نے کہا کہ 'میرے پاس پانچ فلیٹ ہیں جو میرے پانچ بھائیوں کے ہیں۔ میرے پاس ایک الیکٹرانک شاپ ہے جو میری آمدنی کا واحد ذریعہ ہے۔ '

انہوں نے کہا کہ 'میرے پاس کچھ لگژری گاڑیاں اور لائسنس یافتہ پستول ہیں جو پولیس کے پاس پیش کیے گئے تھے، مجھے بیرونی ممالک سے بہت زیادہ دلچسپی ہے ، یہی وجہ ہے کہ میں ہولی منانے کے لیے پانچ بار تھائی لینڈ گیا تھا۔

ادھر باجپئی کی اہلیہ سویتا باجپائی نے کہا کہ ان کا شوہر بے قصور ہے اور اسے سیاستدانوں اور پولیس افسروں میں سے کچھ کو بچانے کے لیے جھوٹے مقدمے میں گھسیٹا گیا ہے۔ تاہم انہوں نے کسی بھی سیاستداں کے نام ظاہر کرنے سے انکار کردیا۔

واضح رہے کہ گانگسٹر وکاس دوبے دس جولائی کو ایک پولیس انکاؤنٹرمیں اس وقت ہلاک کیا گیا جب اسے پولیس کی ایک گاڑی سے اجین سے کانپور لایا جا رہا تھا کہ گاڑی حادثے کا شکار ہوگئی اور اس نے بھاوٹی کے علاقے میں موقع سے فرار ہونے کی کوشش کی۔

اس دوران پولیس فائرنگ میں وہ ہلاک کردیا گیا۔