سہارنپور میں تین بدمعاش گرفتار

ریاست اترپردیش کے ضلع سہارنپور پولیس نے صدر بازار علاقے سے ٹاپ۔10 کی فہرست میں شامل تین شاطر بدمعاشوں کو گرفتار کیا ہے۔

سینیئر سپرنٹنڈنٹ آف پولیس ڈاکٹر ایس چنپا نے بتایا کہ ضلع میں شاطر بدمعاشوں کی گرفتاری کے خلاف خصوصی مہم چلائی جارہی ہے۔

اسی ضمن میں صدر بازار تھانہ انچارج پنکج پنتھ کی قیادت میں پولیس نے جمعہ کی دیر رات تھانے کے ٹاپ۔10 مجرمین شمبھو رستوگی، انشل کمار اور انکت عرف چھوٹو کو گاندھی پارک کے نزیک سے گرفتار کیا ہے۔

انہوں نے بتایا کہ ان بدمعاشوں کے خلاف لوٹ غیر قانونی ہتھیار اور این ڈی پی ایس ایکٹ وغیرہ کے 18 سے زیادہ مقدمے درج ہیں۔

واضح رہے کہ گرفتار انکت کے قبضے سے 120 گرام چرس کے علاوہ دیگر بدمعاشوں کے قبضے سے چوری کی بائیک بھی برآمد کی گئی ہے۔

واضح رہے کہ پولیس نے کیس در کرکے ان سبھی کو جیل بھیج دیا ہے۔