میرٹھ: عاشق جوڑے کو جان سے مارنے کی دھمکی

ضلع میرٹھ میں عاشق اور معشوقہ کو جان سے مارنے کی دھمکی دی جارہی ہے۔ جوڑے نے ایس ایس پی سے تحفظ کی مانگ کی ہے۔

مغربی اتر پردیش عاشق جوڑوں کے لئے قبرگاہ بنتی جارہی ہے۔ پچھلے کچھ دنوں کے دوران عاشق جوڑے کے قتل کی واردات کو دیکھتے ہوئے ایسے ہی ایک عاشق جوڑے نے اپنی جان کے تحفظ کے لیے میرٹھ میں پولیس کے اعلیٰ افسران سے اپیل کی ہے۔

ضلع میرٹھ کے دورالا تھانہ علاقے کے رہنے والے سنی اور برکھا (عاشق اور معشوقہ) نے قریب 6 ماہ قبل شادی کر لی تھی اور تبھی سے وہ دونوں ساتھ رہنے لگے لیکن برکھا کے گھر والوں کو ان کے رشتے سے اعتراض کی وجہ سے عاشق جوڑے کو جان کا خطرہ بنا ہوا ہے اور دونوں کو جان سے مارنے کی دھمکی دی جارہی ہے۔

اپنی جان کے خطرے کو محسوس کرتے ہوئے عاشق جوڑے نے میرٹھ پہنچ کر پولیس کپتان سے اپنی جان کے تحفظ کے لیے فریاد کی ہے۔ پولیس کپتان نے عاشق جوڑے کو ہر ممکن مدد کرنے کی بات کہی۔

میرٹھ میں پچھلے دنوں عاشق جوڑوں کے قتل سے گھبراتے ایس ایس پی دفتر میں اپنی جان کے تحفظ کی مانگ کررہے اس عاشق جوڑے کو ڈر ہے کہ کہیں لڑکی کے گھر والے ان کے ساتھی کو کسی قسم کا نقصان نہ پہنچا سکیں۔