رادھا موہن سنگھ نے رواں سال کے بجٹ کو عوامی بجٹ کہا۔ انہوں نے کہا کہ مودی حکومت غریبوں، کسان اور نوجوانوں کے لیے وقف ہے۔
رادھا موہن سنگھ نوئیڈا کے سیکٹر 6 میں واقع انٹرپرینیور ایسوسی ایشن آڈیٹوریم میں صحافیوں سے مخاطب تھے۔
رادھا موہن سنگھ نے کہا کہ 'یہ اتنا عمومی بجٹ ہے کہ کوئی بھی شخص نہیں رویا۔ بجٹ عام لوگوں کے لیے ہے۔
انہوں نے کہا کہ اس بجٹ کی تعریف حزب اختلاف رہنماؤں نے بھی کی۔ بھارتیہ جنتا پارٹی کی حکومت ضرورت مندوں کے مسائل کو اچھی طرح سمجھتی ہے۔ اور ان کی تکالیف کو کم کرنا ہی پارٹی کی پہلی ترجیح ہے۔
سابق وزیر نے کہا کہ 'حکومت نے کورونا بحران کے بعد پہلے بجٹ میں سب کا خیال رکھا۔ کسی پر کوئی اضافی بوجھ نہیں ڈالا۔
بجٹ کو تاریخی قرار دیتے ہوئے انہوں نے کہا کہ یہ آتم نربھر بھارت کے لیے ایک اہم دستاویز ہے۔ اس بجٹ سے ملک ہمہ جہت ترقی کرے گا۔
رادھا موہن سنگھ نے مزید کہا کہ 'وزیر اعظم نریندر مودی کی سربراہی میں مرکزی حکومت ملک کی مجموعی ترقی کے لیے پُرعزم ہے۔ اس بجٹ میں مودی حکومت نے ملک کی ہمہ جہت ترقی کی بنیاد رکھی ہے۔
ایک جانب رادھا موہن سنگھ نے حکومت کی تعریفوں کے پُل باندھے تو وہیں جب ان سے بی جے پی کے زمینی کاموں کی حقیقت کے بارے میں پوچھا گیا تو وہ بغلیں جھانکنے لگے۔
