ورون گاندھی کا متنازع بیان

انتخابی سرگرمیوں کے درمیان الزام تراشیوں کا سلسلہ جاری ہے۔ اس سلسلے میں اترپردیش کے سلطان پور سے بی جے پی کے رکن پارلیمان ورون گاندھی کے متنازع بیان کا ایک اور ویڈیو وائرل ہو رہا ہے۔ اس میں وہ حزب اختلاف کا نام لیے بغیر کہہ رہے ہیں کہ وہ 'پاکستانی' ہیں۔

وائرل ویڈیو میں ورون گاندھی حزب اختلاف کے اتحاد کو پاکستان کا بتا رہے ہیں۔ اس کے علاوہ سماج وادی پارٹی پر بھی سخت نکتہ چینی کرتے نظر آ رہے ہیں۔

ورون گاندھی نے ملائم سنگھ یادو اور اکھلیش یادو کا نام لیے بغیر ان پر تنقید کی۔

ورون نے کہا کہ 'جو لوگ سیفئی میں 15 سے 20 برس پہلے گوبر کے کنڈے اٹھاتے تھے، وہ آج پانچ پانچ کروڑ کی گاڑیوں میں گھوم رہے ہیں۔ یہ پیسہ عوام کا ہے نہ کہ ان کے دادا کا۔'

انہوں نے کہا کہ میں یہاں ماں کے لیے بلکہ اپنی ماں کے نام پر ووٹ مانگنے آیا ہے۔ یہ پہلی بار نہیں ہے جب ورون گاندھی نے کوئی متنازع بیان دیا ہو۔ اس سے پہلے بھی کئی بار وہ متنازع بیانات کے سبب موضوع بحث رہے ہیں۔