دارالعلوم دیوبند میں نئے داخلے نہیں ہوں گے

دارالعلوم دیوبند نے کورونا وائرس کی وجہ سے ایک اہم فیصلہ لیا ہے، اس سال دارالعلوم دیوبند میں نئے داخلے نہیں ہوں گے۔

دارالعلوم دیوبند کے میڈیا ترجمان اشرف عثمانی نے بتایا کہ اس برس جدید داخلے نہیں ہوں گے، جن طلبا کا پہلے ہی داخلہ ہوچکا ہے وہ جب تک دارالعلوم دیوبند سے کوئی اطلاع موصول نہ ہو تب تک دارالعلوم نہ آئیں۔

دارالعلوم دیوبند میں رواں برس جدید داخلے نہیں ہوں گے

اشرف عثمانی نے بتایا کہ کووڈ 19 کے دوران دارالعلوم دیوبند کمیٹی نے جدید داخلہ پر کوئی فیصلہ نہیں کیا ہے اور یہ کہا گیا ہے کہ نئے داخلے نہیں ہوں گے اور جو پہلے داخلہ لے چکے ہیں وہ پرموٹ کیے جائیں گے۔