Reformation of The Society اصلاح معاشرہ کی اشد ضرورت

جمعیت علماء ہند کے اجلاس میں کہا گیا کہ موجودہ دور میں مسلم نوجوانوں میں برائیاں عام ہوتی جارہی ہے، اور ان میں بے راہ روی کا فروغ پاتا جارہا ہے جس کا سد باب انتہائی ضروری ہے۔ Reformation of The Society

ریاست اترپردیش کے ضلع مظفر نگر میں جمعیۃ علماء تحصیل کھتولی ضلع مظفرنگر کے زیر اہتمام پہلا جلسہ اصلاح معاشرہ انتی گاؤں میں منعقد ہوا جس کی صدارت مولانا سید سعد خان جہانپوری صدر جمعیۃ علماء تحصیل کھتولی نے کی اور نظامت کے فرائض مفتی مجیب الرحمٰن ندوی کنوینر اصلاح معاشرہ کمیٹی کھتولی نے انجام دیے۔

اس موقع پر مولانا سعد خان جہانپوری نے اصلاح معاشرہ پر خطاب کرتے ہوئے کہا کہ اصلاح معاشرہ آج بیحد ضروری ہوگیا ہے اگر ہم نے اپنی اصلاح نہیں کی تو وقت ہمیں کبھی معاف نہیں کرے گا اور آنے والی نسلیں زیادہ بھٹک جائے گی۔

مفتی عبد القادر قاسمی نے جمعیۃ علماء ہند کی تاریخ پیش کرتے ہوئے کہا کہ جمعیت علماء نے ہمیشہ قوم و ملت کی خدمت انجام دی ہے، جمعیۃ علماء ہر موڑ پر ملت اسلامیہ کی مدد کرنے میں پیش پیش رہتی ہے چاہے فساد زدگان کی امداد کرنا ہو یا سیلاب متاثرین کی امداد ہو۔

مفتی مجیب الرحمٰن نے بتایا کہ جمعیت علماء تحصیل کھتولی پوری تحصیل کے اندر بیس پروگرام کررہی ہے جس کا آغاز ہو چکا ہے، اس موقع پر گاؤں کی ایک کمیٹی تشکیل دی گئی جس کے صدر حافظ رمضانی اور جنرل سیکرٹری حکیم محمد طاہر کو بنایا گیا۔

یہ جلسہ قاری محمد جاوید کی نگرانی میں منعقد ہوا اس موقع پر مولانا محمد سرفراز تسنگ، مفتی مجیب الرحمٰن، قاری محمد جاوید، مولانا محمد زبیر، حافظ رمضانی، حکیم محمد طاہر، قاری محمد حامد، حافظ شرف الدین وغیرہ موجود رہے۔