مدرسہ ملازم کے گھر میں لاکھوں کی چوری

چوروں نے گھر کے اندر سے بیٹیوں کی شادی کے لیے رکھے تمام زیورات اور نقدی اٹھا لے گئے۔

ریاست اتر پردیش کے ضلع بارہ بنکی شہر کوتوالی حلقہ کے دیانند علاقہ میں واقع مدرسہ کے ایک ملازم حسیب احمد کے گھر سے لاکھوں روپے کے سامان کی چوری ہوگئی۔

چوروں نے گھر کے اندر سے بیٹیوں کی شادی کے لیے رکھے تمام زیورات اور نقدی اٹھا پر ہاتھ صاف کردیا۔

اس واردات کے بعد گھر والوں کا برا حال ہے اور آس پاس کے علاقوں میں دہشت کا ماحول ہے۔ مدرسہ کے ملازم حسیب احمد چند دنوں قبل اپنے اہلخانہ کے ساتھ ایک رشتہ دار کے یہاں شادی کی تقریب میں شامل ہونے گورکھپور گئے تھے۔ جب وہ دیر شام واپس لوٹے تو دیکھا کہ گھر کے دروانے کا تالا ٹوٹا ہوا ہے اور گھر سے قیمتی سامان غائب ہے۔

انہوں نے جب اندر جاکر دیکھا تو اوپر سے نیچے تک کے تمام کمروں کے تالے ٹوٹے پڑے تھے اور الماریوں سے سامان باہر بکھرا ہوا پڑا تھا۔

انہوں نے پورے گھر کا جائزہ لیا تو گھر میں رکھے زیور اور نقدی غائب تھی۔ حسیب احمد اپنے بیٹے اور بیٹی کی شادی کرنے والے تھے اس لیے انہوں نے زیورات خرید رکھے تھے۔

یہی نہیں ان کی ایک بیٹی جس کی شادی ہو چکی ہے وہ بھی ولیمے میں شامل ہونے کے لیے زیور لائی تھی لیکن چور تمام زیور لے کر فرار ہوگئے۔ چوری کی اس واردات کے بعد علاقہ میں دہشت کا ماحول ہے ۔