"رام للا" کے راج بھوگ کے لیے رقم میں اضافہ

شری رام جنم بھومی کے بڑے پجاری کی ناراضگی کے بعد رام جنم بھومی کے ریسیور کمشنر منوج مشرا نے رقم میں اضافے کی منظورِ دے دی ہے۔

رام للا کے پجاری آچاریہ ستییندر داس نے رام جنم بھومی کے رسیور کمشنر ایودھیا کو ایک خط لکھ کر ناراضگی جتاتے ہوئے کہا تھا کہ اتنی کم رقم میں یہاں کا خرچ نہیں چل رہا ہے۔

لہذا اس کے رقم میں اضافہ کیا جائے۔ اس کے بعد 3800 روپیہ کا اضافہ کر دیا گیا۔ اب رام للا کے راج بھوگ کے لیے ماہانہ 30 ہزار روپیے خرچ کیے جاسکتے ہیں۔

بتاتے چلیں کہ 2018 میں پجاری اور ملازمین کی تنخواہوں میں 3520 روپیہ اور 1710 روپیہ کا اضافہ ہوا تھا لیکن اس سال محض بڑے پجاری کی تنخواہ میں ایک ہزار اور دیگر ملازمین کی تنخواہ میں 500 روپیہ کا ہی اضافہ کیا گیا ہے۔