تحریک آزادی میں اردو صحافت کا ناقابل فراموش کردار

میرٹھ کے سبھارتی یونیورسٹی میں '1857 میں صحافت کے کردار' کے موضوع پر سیمینار کا انعقاد کیا گیا جس میں مختلف دانشوروں نے شرکت کر اپنا مقالہ پیش کیا۔

آئی آئی ایم سی کے سابق ڈائریکٹر جنرل کے جی سریش نے ای ٹی وی بھارت سے بات کرتے ہوئے بتایا کہ سنہ1857 کی تحریک آزادی میرٹھ کی سر زمین سے شروع ہوئی اور رفتہ رفتہ پورے ملک میں پھیل گئی اور ملک کو متحد کرنے میں کامیاب ہوئی۔

انہوں نے بتایا کہ 1857سنہ کی تحریک میں منصوبہ بند حکمت عملی نہ ہونے کی وجہ سےکامیابی نہیں مل سک تھی لیکن ہندو مسلم ایک ہوکر ملک کی آزادی کے لیے قربانی پیش کی ہے۔

انہوں نے کہا کہ اس وقت اترپردیش، مدھیہ پردیش، دہلی، ہریانہ کے بیشتر علاقوں میں اردو و فارسی اور ہندی کے اخبار چھپتے تھے جس نے عوام میں آزادی کی مہم کو خوب فروغ دیا۔

سبھارتی یونیورسٹی کے پروفیسر ڈاکٹر نیرج نے بتایا کہ کہ سنہ 1857 کی تحریک آزادی میں اردو نے جو کردار ادا کیا ہے وہ ناقابل فراموش ہے لیکن اردو صحافت کو جو اہمیت ملنی چاہیے تھی وہ بدقسمتی سے نہیں ملی ہے۔