اس موقع پر اردو ٹیچر سرور رضا نے ای ٹی وی بھارت اردو سے بات چیت کرتے ہوئے بتایا کی ہم سب تقریباً 80 اساتذہ ہیں اور گزشتہ تین ماہ سے ہماری تنخواہ کی ادائیگی نہیں ہوئی ہے، ماہ فروری میں ہمارا تبادلہ کرکے ہم کو یہاں لایا گیا لیکن مارچ سے ابھی تک ہماری تنخواہ نہیں دی گئی ہے۔
تنخواہ کی مانگ کرتے ہوئے انہوں نے کہا کہ اگر ہمیں تنخواہ نہیں دی گئی تو گھر کے حالات مزید خراب ہو سکتے ہیں۔
اس دوران نیہا شرما نے ای ٹی وی بھارت اردو سے بات چیت کرتے ہوئے مطالبہ کیا ہے کہ جلد از جلد ہماری تین ماہ کی تنخواہ ادای کی جائے، اگر اسی طرح ہمیں تنخواہ نہیں دی گئی تو ہماری مشکلات میں اضافہ ہو سکتا ہے۔
انہوں نے کہا کہ تین ماہ سے تنخواہ نہ ملنے سے تمام اساتذہ بے حد پریشان ہیں، ہم تقریباً 80 اساتذہ ہیں جس میں ایک استاد کی ضلع پنچایت انتخاب کے دوران موت ہوچکی ہے۔
انہوں نے کہا کہ جب سے ہمارا تبادلہ مرادآباد کیا گیا ہے، اس وقت سے ابھی تک تنخواہ نہیں دی گئی ہے، اگر اسی طرح چلتا رہا تو ہم سب کے حالات بد سے بدتر ہو جائیں گے۔
