بیماری سے دلبرداشتہ طالبہ نے خودکشی کی

اترپردیش کے ضلع کوشامبی کے کوکھراج علاقے میں سنیچر کو ایک طالبہ نے بیماری سے تنگ آکر کنوئیں میں چھلانگ لگا کر خودکشی کرلی۔

کوشامبی میں ایک طالبہ کی خودکشی کی خبر ہے۔ پولیس نے بتایا کہ دشرتھ پور گاؤں کے رام چنر کی لڑکی لاجو(16)ہائی اسکول کی طالبہ تھی۔

وہ گذشتہ کئی مہینے سے بیمار تھی۔ جس سے وہ کافی تکلیف میں رہتی تھی۔ انہوں نے بتایا کہ طالبہ صبح گھر سے نکلی اور گاؤں کے باہر واقع کنوئیں میں کود گئی جس سے اس کی ڈوب کر موت ہوگئی۔ لاش کو پوسٹ مارٹم کے لئے بھیج دیا گیا ہے۔

طالبہ کے اس قدم سے علاقے اور لواحقین صدمے میں ہیں۔ ہر کوئی تشویش میں ہے کہ اس نے یہ بڑا قدم کیوں اٹھایا۔