'نو ہیلمٹ نو پیٹرول' فارمولا ناکام

ریاست اتر پردیش کے نوئیڈا میں 'نو ہیلمٹ نو پیٹرول' فارمولے کو کامیاب بنانے کے انتظامیہ کی تمام کوششوں کے باوجود فارمولا کامیاب ہوتا نظر نہیں آرہا ہے۔ بغیر ہیلمٹ کے بھی پٹرول مل رہا۔

ابھی گزشتہ دن ڈی ایم آفس سے یہ خبر آئی کہ 'نو ہیلمٹ نوپٹرول' فارمولا ضلع میں کافی کامیاب ہو رہا ہے۔ اس میں یہ بھی دعویٰ کیا گیا تھا کہ پیٹرول پمپ پر کام کرنے والے ملازمین بغیر ہیلمٹ کے پیٹرول نہیں دے رہے ہیں اور سپلائی افسران بھی پیٹرول پمپ پر جاکر کر چیکنگ مہم کو جاری رکھے ہوئے ہیں۔

لیکن ایسی تصاویر اور ویڈیو دستیاب ہیں جو ضلع سپلائی افسران اور ان کی ٹیم کی تمام دعوے کے منافی ہے جہاں لکھا ہے 'نو ہیلمٹ نو پیٹرول' وہیں کھلے عام بغیر ہیلمٹ کے لوگوں کو پٹرول دیے جارہے ہیں۔ اس طرح پیٹرول پمپ مالکان اور عوام دونوں اس مہم کے خلاف اپنا رول ادا کر رہے ہیں۔