'آخری انجام تک تحریک جاری رہے گی'

ڈاکٹر ترون شرما کا کہنا ہے کہ سرکار ضد پر اڑی ہے اور ہر طریقے کا منفی حربہ اختیار کر رہی ہے۔ مرکزی اور یوپی حکومتیں ہماری تحریک کو دبانے اور کچلنے کی ہر ممکن کوشش کر رہی ہیں۔

دہلی سرحد پر کسانوں کے احتجاج کا سلسلہ ہنوز جاری ہے۔ کسان بھوک ہڑتال پر ہیں اور ضلع ہیڈکوارٹر پر احتجاجی مظاہرہ بھی چل رہا ہے۔

کسانوں کا کہنا ہے کہ یہ احتجاج اس وقت تک جاری رہے گا جب تک حکومت کالے زرعی قوانین کو واپس نہیں لے لیتی ہے۔

چلہ سرحد پر بیٹھے بھارتیہ کسان یونین کے ریاستی نائب صدر ڈاکٹر ترون شرما کا کہنا ہے کہ سرکار ضد پر اڑی ہے اور ہر طریقے کا منفی حربہ اختیار کر رہی ہے۔ مرکزی اور یوپی حکومتیں ہماری تحریک کو دبانے اور کچلنے کی ہر ممکن کوشش کر رہی ہیں۔

انہوں نے کہا کہ راتوں کو کسان رہنماؤں اور کارکنان کو گھروں سے اٹھا لیا جاتا ہے، سڑکوں سے گزرنے نہیں دیا جاتا۔ لیکن حکومت کو یہ معلوم ہونا چاہیے کہ کسانوں کی تحریک اس کے زوال کا سبب بنے گی۔ یا تو حکومت کو ہمارے مطالبات تسلیم کرنے ہوں گے دیگر صورت تحریک منطقی انجام تک یونہی جاری رہے گی۔