مظفرنگر تحصیل جانسٹھ میں اصلاح معاشرہ کے تیسرے مرحلہ کا پہلا پروگرام منعقد ہوا

مظفرنگر تحصیل جانسٹھ میں اصلاح معاشرہ کے تیسرے مرحلہ کا پہلا پروگرام منعقد ہوا۔ جس میں جمعیۃ علماء مظفر نگر کے مولانا رضوان قاسمی نے کہا کہ تم بہترین امت ہو۔ کیوں کہ بہترین امت اس لیے ہو کہ تم اچھی باتوں کا حکم کرتے ہو اور بری باتوں سے اور لایعنی کاموں سے دوسروں کو روکتے ہو۔ Reform Society Program in Muzaffarnagar

مظفر نگر:ریاست اتر پردیش کے ضلع مظفر نگر میں بروز اتوار کو جمعیۃ علماء تحصیل جانسٹھ کا اصلاح معاشرے کمیٹی کا تیسرے مرحلے کا پہلا پروگرام بمقام نظام پور نیا گاؤں میں بعد نماز مغرب منعقد ہوا۔ اس پروگرام کی صدارت مولانا رضوان قاسمی جمعیۃ علماء مظفر نگر نے فرمائی۔ جب کہ مہمانان خصوصی کے طور پر مولانا مکرم علی قاسمی کنوینر ایڈھاک کمیٹی جمعیۃ علماء ضلع مظفر نگر اور مولانا عبد الخالق قاسمی مدرسہ چراغیہ رہے۔ مولانا نے اپنے خصوصی خطاب میں فرمایا کہ اللہ قرآن میں فرماتے ہیں کہ (کُنتم خیر امّۃ اُخرجت للناس تأمرون بالمعروف و تنھون عن المنکر وتؤمنون باللہ) تم بہترین امت ہو۔ کیوں کہا بہترین امت۔ اس لیے کہ تم اچھی باتوں کا حکم کرتے ہو اور بری باتوں سے لا یعنی کاموں سے دوسروں کو روکتے ہو۔ اس لیے بہترین امت کہا گیا۔ لیکن آج ہمارا یہ حال ہے کہ سب سے زیادہ جھوٹ بولنا، دھوکہ دینا، فریب کرنا، دوسروں کو گالی دینا، دوسروں کی برائی کرنا اور اپنے آپ کو اچھا سمجھنا یہ ہماری فطرت میں داخل ہوچکا ہے۔

انہوں نے کہا کہ میرے بھائیوں اپنے نبی کے راستے کو ان کی زندگی کو اپنانے والے اور ان کی ایک ایک سنت پر عمل کرنے والے بن جاؤ۔ پھر دیکھو ہماری زندگی میں وہ خوش حالی آئے گی جس کا آپ اور ہم تصور بھی نہیں کرسکتے۔ مولانا نے ووٹ بیداری مہم سے متعلق فرمایا کہ ووٹ ہماری کتنی بڑی طاقت ہے۔ اس کی اھمیت کو سمجھو اور اگر کسی بھائی کی ووٹ کٹی ہوئی ہے تو وہ اپنی ووٹ بنوائے، ووٹنگ فہرست میں اپنا نام لکھوائے اور جو بچے اور بچیاں 18 سال کے ہوگئے ہیں اور ان کا ووٹ ابھی نہیں بنا تو وہ اپنا ووٹ بنوائے اور میں پھر کہتا ہوں کہ اس کی اہمیت کو سمجھو! یہ ہمارے لیے کتنی اہم چیز ہے۔ میں دعاء کرتا ہوں کہ جو باتیں آج ہماری سامنے آئی ہیں۔ اللہ ان تمام پر عمل کرنے کی توفیق عطا فرمائے۔ اس پروگرام میں کثیر تعداد میں علماء اکرام اور عوام الناس موجود رہے۔