بجنور میں نامعلوم شخص کی لاش برآمد

ضلع بجنور میں کپڑے کے سوٹ کیس میں بند سڑک کنارے جھاڑیوں میں ایک نامعلوم شخص کی لاش ملنے سے علاقے میں سنسنی پھیل گئی۔

ریاست اترپردیش کے ضلع بجنور کے تھانہ ہلدور میں واقع گاؤں موہن پور کے سڑک کنارے آج صبح کپڑے کے سوٹ کیس میں بند ایک نامعلوم شخص کی خون سے سنی ہوئی لاش ملی۔ ابھی تک لاش کی شناخت نہیں ہو پائی ہے۔

راہگیروں نے پولیس کو اس کی اطلاع دی۔ بند سوٹ کیس کو کھولنے کے بعد اس میں خون سے تر ایک لاش ملی۔ پولیس نے لاش کو پوسٹ مارٹم کے لیے بھیج دیا ہے اور پولیس اس کیس کے تفتیش میں جٹ گئی ہے۔