پرتاپ گڑھ: کالج احاطے سے نامعلوم خاتون کی لاش برآمد

ریاست اترپردیش میں پرتاپ گڑھ ضلع ہیڈکواٹر سے 60 کلومیٹر مسافت پر تھانہ مہیش گنج علاقے کے پٹنہ نہر چوراہے کے نزدیک سنسکرت انٹر کالج کے احاطے سے قتل کی ہوئی خاتون کی لاش برآمد ہوئی ہے۔

ایڈیشنل سپرنٹنڈنٹ مغربی دنیش دیویدی نے بتایا کہ تھانہ مہیش گنج علاقے کے چتامن پور گاؤں کے پٹنہ نہر چوراہے کے نزدیک سنسکرت انٹر کالج کے احاطے سے پولیس نے ایک 35 سالہ خاتون کی لاش برآمد کی ہے، جس کی شناخت نہیں ہو سکی ہے۔

عورت کی لاش کے نزدیک ایک بانس کا ٹکڑا برآمد ہوا ہے، جس سے کنپٹی پر مار کر قتل کیا گیا ہے۔

پولیس نے لاش کو پوسٹ مارٹم کے لیے بھیج کر تحقیقات شروع کر دی ہے۔

اطلاع کے مطابق مقامی لوگوں نے یہ شبہ ظاہر کیا ہے کہ خاتون کے ساتھ جنسی زیادتی کے بعد قتل کیا گیا ہے۔