ظالم باپ نے تین معصوم بچیوں کو دریا میں پھینک دیا

یوپی کے سنت کبیر نگر میں ایک باپ نے اپنی تین معصوم بیٹیوں کو دریائے سریو میں پھینک دیا۔ واقعہ کی اطلاع ملتے ہی پولیس نے ملزم والد کو گرفتار کرلیا ہے۔ نیز این ڈی آر ایف کی ٹیم کو طلب کرکے ریسکیو آپریشن جاری ہے۔

سنت کبیر نگر ضلع میں اس وقت ہلچل مچ گئی جب ایک والد نے تین معصوم بچیوں کو ندی میں پھینک دیا۔ اطلاع پر پہنچی پولیس نے ملزم والد کو گرفتار کرلیا اور لڑکیوں کی تلاش شروع کردی۔ تاہم ابھی تک بچی کے بچیوں کا کوئی سراغ نہیں مل سکا ہے۔ انتظامیہ نے این ڈی آر ایف کی ٹیم طلب کرلی ہے۔

معاملہ سنت کبیر نگر ضلع کے دھنگھٹا تھانہ علاقے کے تحت ڈیہوا گاؤں کا ہے۔ یہاں رہنے والے سرفراز نامی شخص نے اپنی تین بیٹیوں کو برہر گھاٹ کی سریو ندی میں پھینک دیا۔ جب لوگوں کو اس واقعے کا علم ہوا تو پورے علاقے میں ہلچل مچ گئی۔

مقامی غوطہ خوروں کی مدد سے تینوں لڑکیوں کو ڈھونڈنے کی بہت کوشش کی گئی لیکن ابھی تک کچھ نہیں ملا۔ پولیس اس معاملے میں ملزم والد کو گرفتار کر پوچھ گچھ کررہی ہے۔

بتایا جارہا ہے کہ پیر کی صبح ملزم والد سرفراز یہ کہتے ہوئے موٹرسائیکل سے نکلا کہ اسے اپنی تین بیٹیوں ثناء، سما اور صہبا کو گھمانا ہے اور تینوں کو راستے میں دریائے سریو میں پھینک دیا۔