بنارس میں بھارت بند کا کوئی اثر نہیں

ایس ایس پی امت پاٹھک نے بتایا کہ بھارت بند کا کوئی اثر بنارس میں نہیں ہے۔ بازار کھلے ہوئے ہیں، کاروباری اپنے کام میں سرگرم ہیں، مختلف مقامات پر پولیس کی نفری تعینات کی گئی ہے۔

آٹھ دسمبر کو کسانوں اور ان کی تنظیموں نے بھارت بند کا اعلان کیا تھا جس کا اثر ملک کے بیشتر علاقوں میں رہا لیکن بنارس میں بازار کھلے رہے کوئی خاص اثر دیکھنے کو نہیں ملا۔

ضلع انتظامیہ بھی مستعد رہی مختلف مقامات پر پولیس کا پہرا رہا اور سیکڑوں سماجی کارکنان و سیاسی لیڈران گھر میں نظر بند رہے۔

بنارس کے ایس ایس پی امت پاٹھک نے بتایا کہ بھارت بند کا کوئی اثر بنارس میں نہیں ہے۔ بازار کھلے ہوئے ہیں، کاروباری اپنے کام میں سرگرم ہیں، مختلف مقامات پر پولیس کی نفری تعینات کی گئی ہے۔

انہوں نے بتایا کہ ریاستی حکومت کی جانب سے جاری ایڈوائزری پر عمل کیا جا رہا ہے اگر کوئی بھی اس کی خلاف ورزی کرتا ہے کاروائی کی جائے گی۔