اترپردیش کے ضلع مئو میں نیتا جی سبھاش چندر بوس کی 125 ویں جینتی کے موقع پر انہیں یاد کیا گیا۔ ضلع کی مختلف سماجی تنظیموں کی جانب سے پروگرام منعقد کئے گئے۔ نوجوان شعراء نے نیتا جی سبھاش چندر بوس کی شان میں اپنے اشعار پیش کئے۔ بلاتفریق مذہب و ملت کثیر تعداد میں نیتا جی کے چاہنے والوں نے پروگرام میں شرکت کی۔
مئو میں سبھاش چندر بوس کی 125 ویں جینتی منائی گئی
اس موقع پر نیتا جی سبھاش چندر بوس کی جنگ آزادی میں پیش کی گئی قربانیوں سے نئی نسل کو روشناس کرایا گیا۔ حاضرین سے نئی نسل سے نیتا جی کے نقش قدم پر گامزن رہتے ہوئے ملک اور قوم کی فلاح و بہبود میں حصہ لینے کی اپیل کی گئی۔
پروگرام کا انعقاد سماجی تنظیموں کے مشترکہ گروپ آزاد ہند سنگٹھن کے زیراہتمام کیا گیا۔ اس موقع پر مختلف سیاسی جماعتوں سے تعلق رکھنے والے افراد نے بھی شرکت کی۔