پولیس کی مستعدی سے کِرانہ تاجر بڑے خسارے سے محفوظ

نوئیڈا پولیس کی مستعدی اور ایمانداری سے ایک کرانہ تاجر بڑے نقصان سے بچ گیا ہے۔

نوئیڈا پولیس کی رات کی گشت تاجر کے لئے عافیت کا سبب بنا۔ دراصل دادری میں ایک کیرانہ ہول سیلر کے مالک کی لاپروائی سامنے آئی ہے۔

جب اس نے رات کو اپنی دکان کا شٹر تو بند کیا تو تالا لگانا بھول گیا اور گھر جا کر سو گیا۔

دیر رات دوران گشت پولیس کو شٹر کھلا نظر آیا، پولیس نے فوری احتیاطی اقدامات اٹھاتے ہوئے کاروباری کو اطلاع دی۔

اس نے اپنی دکان میں سب درست پایا اور راحت کی سانس لی۔

پولیس کی موجودگی میں اس نے دوبارہ تالا لگایا اور پولیس کا شکریہ ادا کیا۔

ایسا بتایا جا رہا ہے کہ چوروں کی نظر پڑ چکی تھی لیکن پولیس کی بروقت آمد نے ان کے مقصد میں کامیاب نہیں ہونے دیا۔