ملازمین پچھلے کئی ماہ سے تنخواہ سے محروم

بجنور میں پچھلے کئی مہینوں سے اساتذہ کے تبادلہ کے بعد حکومت کی جانب سے ابھی تک ماہانہ تنخواہ نہ ملنے کی وجہ سے اساتذہ پریشان ہیں۔

اترپردیش کے بجنور ضلع کے تمام سرکاری اسکول کے استاتذہ پچھلے کئی مہینوں سے انتظامیہ کے دفاتر کے چکر کاٹ رہے ہیں۔

اس کے باوجود بھی اساتذہ کے ٹرانسفر کے بعد ان کو ماہانہ تنخواہ نہیں ملی ہے، جس کی وجہ سے اساتذہ بہت پریشان ہیں۔

اس ضمن میں سبھی اساتذہ جمع ہوکر بجنور کے ڈی ایم رما کانت پانڈے سے ملاقات کی۔ جس کے بعد ڈی ایم نے انہیں جلد تنخواہ کی بحالی کا بھروسہ دلایا ہے۔

وفد میں شامل اشوک کمار نے کہا 'گزشتہ برس اگست 2019 میں حکومت کی جانب سے کچھ اساتذہ کے تبادلے کیے گئے تھے اور اب سات مہینے گزر جانے کے بعد بھی انہیں تنخواہ نہیں دی گئی ہے'۔