سنہ 2000 میں مستقل کیے گئے اساتذہ کے لیے پنشن کا مطالبہ

ریاست اترپردیش کے ضلع مرادآباد میں ڈی ایم آفس کے باہر مادھیمک شکشا سنگھ کے ممبران و عہدیداران نے احتجاج کرتے ہوئے اپنے مطالبات پر مشتمل میمورنڈم صدر جمہوریہ، وزیر اعظم اور گورنر کے نام روانہ کیے۔

احتجاج کرنے والے ٹیچرز کا کہنا تھا کہ' ایسے اساتذہ جن کی تقرری سنہ 1993 میں ہوئی تھی اور سنہ 2000 میں مستقل کیا گیا تھا انہیں پنشن دیا جائے۔ انہوں نے کہا کہ اس سلسلے میں انہوں نے ریاست کے نائب وزیر اعلی دنیش شرما سے ملاقات کی تھی جس پر نائب وزیر اعلی نے ہمارے مطالبات کو جلد پورا کرنے کا تیقن دیا تھا۔ لیکن اب تک ہمارے مطالبات پورے نہیں ہوئے۔'

انہوں نے مزید کہا کہ' سبھی مینجمنٹ اسکول کے اساتذہ کو میڈیکل ہیلتھ کی سہولت سرکاری اساتذہ کی طرح دی جائے۔'

اتر پردیش مادھیمک شکشا سنگھ کے صوبائی سیکریٹری نے مزید کہاکہ' جن اساتذہ کو منیجمنٹ کالجوں میں سنہ 2000 تک مستقل کیا گیاہے اور ان کی تقرری سنہ 1993 میں ہوئی ہیں، انہیں پرانے تقرری کے مطابق پینشن کا فائدہ ملنا چاہیے'۔