دو پارٹیوں نے ایک ہی امیدوار کو نامزد کیا

پرگتی شیل پارٹی کے صدر شیو پال یادو نے کچھ روز پہلےامر منی ترپاٹھی کی بیٹی کو مہاراج گنج سے اپنا امیدوار بنانے کا اعلان کیا تھا اور کل کانگریس نے بھی اپنی فہرست میں ان کا نام شامل کیا جس سے لوگوں میں طرح طرح کی باتیں کی جارہی ہیں۔

عام انتخابات میں ایک طرف سیاسی رہنماوں کو لگتا ہے کہ انہیں کسی بھی قیمت پر ٹکٹ ملنا چاہیے لیکن زیادہ تر لوگوں کو مایوسی ہی ہاتھ لگتی ہے۔ اس کے برعکس اترپردیش کے مہاراج گنج سے ایک ایسی امیدوار بھی ہیں جنہیں دو پارٹیوں نے اپنا امیدوار بنایا ہے۔

پرگتی شیل پارٹی کے صدر شیو پال یادو نے کچھ روز پہلے ہی سابق رکن پارلیمان امر منی ترپاٹھی کی بیٹی کو مہاراج گنج سے اپنا امیدوار بنایا ہے۔

گزشتہ رات کانگریس نے امیدواروں کی جو فہرست جاری کی اس میں بھی مہاراج گنج سے تنو شری ترپاٹھی کا نام شامل تھا۔

اس بات کی خبر جب پارٹی اعلیٰ کمان کو پہنچی تو انہوں نے تنوشری کا نام فہرست سے ہٹا دیا۔

اب تنوشری ترپاٹھی کانگریس کی امیدوار نہیں بلکہ پرگتی شیل سماج وادی پارٹی کی امیدوار ہیں۔