ضلع بریلی میں اس تعلق سے ایس ایس پی شیلیش کمار پانڈے نے پولیس لائن کے تمام پولیس انچارجز کی میٹنگ بلائی اور انھوں نے اس نئے نظام کے نفاذ کے لیے ضلع کے تمام پولیس اسٹیشن انچارج کو ٹیبلیٹ تقسیم کئے۔
انہیں تھانے میں پاسپورٹ کے کام کی ضرورت کے مطابق ٹیبلیٹ دیئے گئے۔شہر کے تھانہ بارہ دری میں اس نوعیت کا کام سب سے زیادہ ہونے کی وجہ سے وہاں سب سے زیادہ چھ ٹیبلیٹ دیے گئے۔
یہاں 'ایم پاسپورٹ ایپلیکیشن' کے ذریعہ پاسپورٹ کی تصدیق کے قواعد اور قوانین بھی بتائے گئے۔ اب زیادہ سے زیادہ تین تا پانچ دنوں کے اندر درخواست گزار کی اپنی قومیت، مجرمانہ ریکارڈ اور پتے کی تصدیق کرکے پولیس کو رپورٹ دینی ہوگی۔ پہلے اس کام کے لیے 21 دنوں کا وقت معین ہوتا تھا۔ اُس میں بھی کئی مرتبہ ایک مہیںے سے زیادہ کا وقفہ لگ جاتا تھا۔
آن لائن ڈیجیٹل نظام میں اب تاخیر کے امکان کو ختم کرنے کی کوشش کی جائےگی۔ اگر درخواست درست نہیں ہے تو درخواست دہندہ کو متعلقہ مدّت میں ہی اطلاع دے کر اسے درست کرانے کے لیے آگاہ کیا جائےگا۔
اس ٹیبلیٹ کو موبائل سے بھی آپریٹ کیا جا سکے گا اس میں ایک ڈجیٹل کیمرہ بھی لگا ہے۔ اس کے ساتھ ہی پولیس اہلکار درخواست گزار کی تفصیلات بھر کر فوراً متعلقہ محکمہ کو بھیج سکیں گے۔