مظفر نگر: چند ایام قبل دہلی کے رام لیلا میدان میں جمعیۃ علماء ہند کے ایک پروگرام کے دوران مولانا ارشد مدنی کے اوم اللہ والے بیان کے خلاف ہندو شدت پسند تنظیموں کے رہنماؤں نے انکے بیان کی مخالفت کی ہے۔یوگ سادھنا یشویر آشرم کے مہنت یشویر سرسوتی نے جو گزشتہ کئی دنوں سے مولانا مدنی کے بیان کی مخالفت کر رہے ہیں انہوں نے اعلان کیا ہے کہ یا تو مولانا مدنی اپنے بیان کے لیے سناتن دھرم کے لوگوں سے کھلے عام معافی مانگیں، یا پھر مولانا مدنی اپنے بیان سے متعلق ثبوت پیش کریں۔
انہوں نے کہا کہ وہ دیوبند میں واقع دارالعلوم کے دروازہ پر پہنچیں گے اور مولانا مدنی کو وہاں تمام انتظامات کرنے ہوں گے، وہ صرف مناظرہ کے لیے وہاں جائینگے۔یشویر سرسوتی مہاراج نے میڈیا کے نمائندوں سے خطاب کرتے ہوئے کہا کہ مولانا ارشد مدنی نے دہلی کے رام لیلا میدان میں ایک بڑی سازش کے تحت سناتن دھرم کے خلاف بول کر سناتن دھرم کی توہین کی ہے۔اس دوران انہوں نے مولانا مدنی کو خط لکھ کر ان سے 9 سوالات پوچھے ہیں اور مولانا ارشد مدنی سے ان 9 سوالوں کے جواب طلب کیے ہیں۔
Swami Yeshweer Maharaj مولانا ارشد مدنی سے مناظرہ کے لئے سوامی یشویر مہاراج دیوبند جائیں گے
سوامی یشویر سرسوتی مہاراج نے اتوار کو مظفر نگر کے شیو چوک پر واقع تلسی پارک میں ایک پریس کانفرنس کا اہتمام کرتے ہوئے کہا کہ وہ سناتن دھرم کے لوگوں کے ساتھ 28 فروری کو تزکیہ انٹر کالج کے گراؤنڈ میں جمع ہوں گے۔ اور دارالعلوم دیوبند کا رخ کرینگے۔
سوامی یشویر مہاراج 28 فروری کو دیوبند جائینگے
سوامی یشویر مہاراج 28 فروری کو دیوبند جائینگے
سوالات مندرجہ ذیل ہیں۔
1 - اگر اوم اور اللہ ایک ہیں تو کیا آپ اوم کو مانتے ہیں؟
2- کیا آپ کو یقین ہے کہ آپ کے باپ دادا منو مہاراج تھے؟
3- آپ نے کہا کہ منو اللہ کی عبادت کرتے تھے ،کس کتاب میں لکھا ہے؟
4- کیا آپ نے ویدوں میں اللہ کے بارے میں پڑھا ہے؟
5- دین اسلام کب سے ہے؟
6- دین اسلام کی ابتدا عرب میں ہوئی یا ہندوستان میں؟
7- کیا 1400 سال پہلے بھی اسلام کی تفصیل کہیں ملتی ہے؟
8- کیا اسلام دنیا میں تلوار کے زور پر نہیں پھیلایا گیا ؟
9- کیا ملک کو مذہب کے نام پر تقسیم نہیں کیا گیا؟
مزید پڑھیں:Maulana Arshad Madani in Patna اللہ اور اوم ایک ہے، اس حقیقت کا اعتراف ضروری ہے: مولانا ارشد مدنی