کابینی وزیر سوامی پرساد موریہ کا بجنور میں خطاب

اترپردیش کے وزیر محنت سوامی پرساد موریہ نے آج ایک تقریب میں شرکت کرتے ہوئے ریاستی حکومت کی جانب سے چلائی جارہی اسکیمات سے عوام کو واقف کروایا۔

کابینی وزیر نے اس موقع پر خطاب کرتے ہوئے کہا کہ ریاستی حکومت مزدوروں کے بچوں کو بہتر مستقبل فراہم کرنے کےلیے متعدد اسکیمیں متعارف کرا رہی ہے۔

بجنور کے اندرا بال بھون میں منعقدہ ایک پروگرام کو خطاب کرتے ہوئے ریاستی وزیر سوامی پرساد موریا نے کہا کہ صحت و انشورنس سے متعلق متعدد اسکیمات کو مزدوروں کےلیے عمل میں لایا گیا ہے جبکہ حادثاتی موت ہونے پر مزدور کے افراد خاندان کو حکومت کی جانب سے 5 لاکھ روپئے ایکس گریشیا دیا جاتا ہے۔