جونپور: مشتبہ حالت میں ایک شخص کی لاش برآمد

ریاست اترپردیش کے ضلع جونپور کے سرپتہا علاقے میں سرائے محی الدین پور کے نزدیک مشتبہ حالت میں ایک شخص کی خون میں لت پت لاش ملی ہے۔

پولیس کے مطابق سرائے محی الدین باشندہ رام ناتھ شرما(40) کی سیلون کی دوکان بازار میں ہے۔ خالی وقت میں وہ پٹرول پمپ پر بھی کام کرکے اپنی روزی روٹی کماتا تھا۔گذشتہ روز پٹرول پمپ پر جانے کی بات کہہ کر نکلا تھا۔ آج پٹرول پمپ کے پیچھے جھاڑیوں میں اس کی لاش ملی ہے۔

موقع پر پہنچی پولیس نے لاش کو پوسٹ مارٹم کے لیے بھیج دیا ہے اور دو افراد کو پوچھ گچھ کے لیے تھانے میں طلب کیا ہے۔ پولیس قتل کے شبہ میں سی سی ٹی وی فوٹیج کی تلاش کر رہی ہے۔