پولیس حراست سے ملزم فرار

اترپردیش کے ضلع جونپور میں دیوانی عدالت میں پیشی کے لیے لایا گیا ایک قتل کا ملزم پولیس اور وکلاء کے درمیان کہا سنی کے دوران پولیس حراست سے فرار ہوگیا۔

پولیس ذرائع نے بتایا کہ منگل کو پولیس قتل کے ملزم انل گوڑ عرف سونو کو پیشی کے لیے جونپور کی دیوانی عدالت میں پیش کرنے کے لیے لاک اپ میں لے کر جارہے تھی۔اس درمیان وکلاء اور پولیس میں کچھ کہا سنی ہوگئی اور موقع ملتے ہی ملزم فرار ہوگیا۔

سپرنٹنڈنٹ آف پولیس(ایس پی) اشوک کمار ،ایس پی (سٹی)ڈاکٹر انل کمار پانڈے، سی او صدر نرپیندر،انسپکٹر لائن بازار سمیت بڑی تعداد میں پولیس دستے نے جائے وقوع پر پہنچ کر معائنہ کیا۔

ایس پی اشوک کمار نے کہا کہ پورے ضلع میں تلاشی مہم شروع کردی گئی ہے۔لاپرواہی برتنے والے پولیس اہلکار کے خلاف کاروائی کی جائےگی۔