رامپور: اعظم خان نے سُپریم کورٹ میں ایک عرضی داخل کرکے شکایت درج کرائی ہے جس میں کہا ہے کہ عدالت کی جانب سے اسٹے آرڈر جاری ہونے کے باوجود بھی رامپور میں واقع جوہر یونیورسٹی کی زمین سے حکومت فیسنگ نہیں ہٹا رہی ہے جس سے جوہر یونیورسٹی کی تعلیمی سرگرمیوں میں دشواریاں پیدا ہورہی ہے۔ Supreme Court Notice to Yogi Government
سُپریم کورٹ نے اعظم خان کی عرضی پر سماعت کرتے ہوئے اترپردیش کی یوگی حکومت کو نوٹس دے کر جواب مانگا ہے۔ عدالت نے پوچھا کہ عدالت کی جانب سے جاری حکم نامہ پر عمل کیا گیا یا نہیں؟ جانکاری کے مطابق اینمی پراپرٹی قانون کے تحت یہ زمین ضبط کی گئی تھی۔ سُپریم کورٹ کے جسٹس اے ایم خانولکر اور جسٹس جے بی پارڈی والا کی بنچ نے ریاست کی یوگی حکومت کو 19 جولائی تک جواب داخل کرنے کی ہدایت دی ہے۔ اس کے ساتھ ہی معاملے کی سماعت آئندہ 22 جولائی کو طے کی ہے۔ مزید پڑھیں:
واضح رہے کہ سپریم کورٹ نے 27 مئی کو اعظم خاں کو بڑی راحت دیتے ہوئے ان کی ضمانت عرضی منظور کرنے کے ساتھ ہی الہ آباد ہائی کورٹ میں جوہر یونیورسٹی کی اراضی کو تحویل میں لینے کے لئے رامپور کے ضلع مجسٹریٹ کی طرف سے عائد کی گئی شرط پر بھی روک لگا دی تھی اور اسے نامناسب قرار دیا تھا۔
