Prajapati Samaj Protest in Meerut میرٹھ میں پرجاپتی سماج کے حامیوں کا احتجاج

ضلع میرٹھ میں کمشنری چوراہے پر راشٹریہ پرجاپتی مہاسبھا کی جانب سے مختلف مطالبات کو لے کر ریلی کا انعقاد کیا گیا جس میں سینکڑوں لوگوں نے شرکت کی۔ ریلی میں شامل لوگوں نے پرجاپتی سماج کو شیڈول کاسٹ زمرے میں شامل کرنے کا مطالبہ کیا۔ Supporters Of Prajapati Samaj Protest In Meerut

میرٹھ: ریاست اترپردیش کے ضلع میرٹھ میں سینکڑوں کی تعداد میں گھوڑا گاڑی لے کر پرجاپتی سماج کے ہزاروں لوگوں نے کمشنری چوراہے پر پہنچ کر ایک احتجاجی مظاہرہ کیا جس میں وہ حکومت سے پرجا پتی سماج کو شیڈول کاسٹ میں شامل کرنے کی مانگ کی۔ سینکڑوں کی تعداد میں چوراہے پر گھوڑا گاڑی جمع ہونے کے سبب گاڑیوں کی آمد و رفت پوری طرح سے ٹھپ پڑگئی۔ عام لوگوں کو بڑی پریشانیوں کا سامنا کرنا پڑا۔

پولیس کو جائے وقوع پر پہنچ کر گاڑیوں کی آمدورفت دوبارہ بحال کرانے کے لیے بڑی مشقت کرنی پڑی۔ کمشنری پارک میں دھرنے میں پرجا پتی سماج کے لیڈران کے ساتھ ساتھ پہنچے بی جے پی کے سابق اسمبلی رکن سنگیت سنگھ سوم نے بھی شرکت کی۔ بی جے پی کے رہنما نے پرجا پتی سماج کے لوگوں کو سمجھانے کی کوشش کی اور ان کے مطالبات کو حکومت کے سامنے رکھنے کی بات کہی۔ وہیں پرجاپتی سماج کے لوگوں کا کہنا تھا کہ جب تک ان کے سماج کو شیڈول کاسٹ میں شامل نہیں کیا جاتا اس وقت ان کا احتجاج جاری رہے گا۔

انہوں نے مزید کہا کہ اپنے مطالبات اور حق کو پانے کے لئے دہلی پیدل مارچ کریں گے۔ اس ریلی میں سینکڑوں گھوڑا گاڑیوں کو دہلی جنتر منتر کے لئے روانہ کیا جائے گا۔ پرجا پتی سماج کے لوگوں کا کہنا ہے کہ جب تک ان کے سماج کو شیڈول کاسٹ کا درجہ نہیں دیا جاتا تب تک یہ سماج اب سکون سے نہیں بیٹھے گا۔ اپنے مقصد کو حاصل کرنے کے لیے پیدل مارچ کر رہے ہیں تاکہ حکومت تک ان کی آواز پہنچ سکے۔