Namaz and Gayatri Mantra in Gonda Jail گونڈہ جیل میں ایک جانب گائتری منتر تو دورسری جانب نماز

گونڈہ منڈل جیل نے گنگا جمنی تہذیب کی انوکھی مثال پیش کی۔ اس جیل کے ایک جانب گائتری منتر اور سندر کانڈ کا پاٹھ ہوتا ہے تو وہیں دوسری طرف مسلمان قیدی نماز پڑھتے ہیں۔ Communal Harmony in Gonda Jail

گونڈہ:منڈل جیل میں ایک انوکھا منظر دیکھنے کو ملا ہے۔ گونڈہ کی منڈل جیل میں ایک طرف صبح اور شام گائتری منتر جبکہ منگل اور سنیچر کو سندرکانڈ پڑھا جاتا ہے تو وہیں دوسری جانب مسلمان قیدی نماز ادا کر رہے ہیں۔ قیدیوں کا خیال ہے کہ اس کی وجہ سے وہ آہستہ آہستہ اپنے آپ میں بہتری محسوس کر رہے ہیں اور انہوں نے عزم کیا کہ آنے والے وقت میں وہ جرائم سے دور رہیں گے۔ Gayatri Mantra in Divisional Jail Gonda

پولیس کے مطابق منڈل جیل گونڈہ میں روزانہ صبح و شام گائتری منتر کا پاٹھ کیا جاتا ہے۔ اس کے علاوہ منگل اور سنیچر کو جیل کے احاطے میں سندر کانڈ کا بھی اہتمام کیا جاتا ہے۔ دوسری جانب مسلمان قیدی جیل کے ہی ایک حصے میں نماز ادا کرتے ہیں۔ اس وقت جیل میں 1264 قیدی ہیں۔ جن پر قتل، ڈکیتی، اسمگلنگ سمیت دیگر مجرمانہ وارداتوں میں ملوث ہونے کا الزام ہے۔ ایسے میں جیل انتظامیہ انہیں ذہنی طور پر صحت مند بنانے کے لیے کئی سرگرمیاں کر رہی ہے اور جیل میں ان قیدیوں کو یوگا بھی کروایا جا رہا ہے۔

جب جیل کے قیدیوں سے اس پر بات کی گئی تو انہوں نے بتایا کہ جیل میں صبح و شام گائتری منتر کا پاٹھ کیا جاتا ہے جبکہ سندر کانڈ کا جاپ منگل اور سنیچر کو ہوتا ہے۔ قیدی یوگا بھی کرتے ہیں اور اس کا جاپ کرتے ہیں جس سے دماغ کو سکون ملتا ہے۔

اس حوالے سے جیلر شیو پرتاپ مشرا کا کہنا ہے کہ اس جیل میں 1264 قیدی ہیں۔ جیل میں صبح اور شام گائتری منتر پڑھا جاتا ہے جبکہ سندرکانڈ منگ اور سنیچر کو ہوتا ہے۔ ان سرگرمیوں میں شامل ہونے کے بعد قیدیوں کے رویے میں کافی تبدیلی آئی ہے۔ انہوں نے اپنی توانائی کو مثبت سمت میں منتقل کرنا شروع کر دیا ہے۔ تقریباً 4-5 قیدیوں کے طرز عمل میں بہتری کو دیکھتے ہوئے انہیں جیل سے رہا کر دیا گیا ہے۔ اس سے قیدیوں کی حوصلہ افزائی ہوئی ہے۔