گرمیوں کی تعطیل میں سمر کیمپ

بھارت کے مختلف حصوں میں اسکولز اور کالجز میں ایک طویل وقفے کے لیے گرمیوں میں تعطیل ہوا کرتی ہے، اس تعطیل میں جہاں لوگ سیر و تفریح کرتے نظر آتے ہیں وہیں کچھ حصوں میں اس کا ایک بہتر استعمال بھی ہوتا ہے۔

ریاست اترپردیش کے ضلع بارہ بنکی میں گرمیوں کی تعطیل کے موقع پر القرآن انسٹی ٹیوٹ کی جانب سے اسکول و کالجز کے طلبا کو مذہب اسلام کے تعلق میں بنیادی احکامات سے روشناس کرایا جارہا ہے۔

اس 10 روزہ سمر کیمپ میں اسلام کی بنیادی باتوں کے ان طلبہ و طالبات کو سکھایا جا رہا ہے جو اسکول اور کالج کی تعلیم حاصل کرنے کے دوران اسلامی امور کی کی طرف توجہ نہیں دے پاتے ہیں۔ ان لوگوں کے لیے یہ ایک اچھا موقع ہوتا ہے جب کہ قلیل عرصے میں اسلام کی بہت سی باتیں جان لیتے ہیں۔
رواں برس بارہ بنکی کے عظیم الدین اشرف اسلامیہ انٹر کالج میں 10 روزہ اسلامی کیمپ شروع ہو گیا ہے۔ اس میں طلبہ و طالبات کو اسلام کی اس حد تک تعلیم دی جا رہی ہے کہ وہ اسے سمجھ کر اپنی عملی زندگی میں اتار سکیں۔

اس کیمپ میں جو شریک ہو رہے ہیں، ان کا کہنا ہے کہ یہ ایک بہتر موقع ہے جب انہیں اسلام کو سمجھنے کا موقع مل رہا ہے۔

القرآن انسٹیوٹ بارہ بنکی کے علاوہ ریاست اترپردیش کے کئی اضلاع میں اسلامی کیمپ منعقد ہوتا ہے۔ تاکہ تعطیل کے دوران طلبہ اور دیگر لوگوں کو اسلام کی تعلیمات سے آگاہ کیا جاسکے اور انہیں اچھا شہری اور اچھا مسلمان بنایا جاسکے۔

اسلام انسان کو ایک بہتر سماجی اور معاشتری زندگی گزارنے کی تعلیم دیتا ہے، اس کی تعلیم یہ ہے کہ سماج میں ایک ذمہ دار اور اعلیٰ اقدار والے شہری ہوں تاکہ سماج فلاح و بہبود کی طرف گامزن ہو۔

اسلام کی انہیں اصولوں کو مدنظر رکھ کر طلبہ و طالبات کو خالی اوقات میں اسلام کےبارے میں بتایا جاتا ہے تاکہ وہ اسے اپنائیں، جہاں وہ سکولی تعلیم حاصل کر رہے ہیں وہیں وہ مذہب کی جانکاری بھی حاصل کرکے اپنی زندگی اور بہتر بنائیں کیوں کہ مذہب انسان کو ایک بہتر زندگی گزارنے کی تعلیم دیتا ہے۔