اس طالب علم کو نوئیڈا تھانہ سیکٹر 20 پولیس نے گرفتارکر لیا ہے۔ طالب علم کے والد جالندھر (پنجاب) کے ایک معروف اخبار میں ایڈیٹر ہیں۔پوچھ تاچھ کے دوران گرفتار کئے گئے طالب علم نے پولیس کو بتایا کہ وہ اپنی گرل فرینڈ پر پیسے خرچ کرنے کے لئے لوٹ مار کرتا تھا۔
تھانہ سیکٹر 20 کے انچارج انسپکٹر راجویر سنگھ چوہان نے بتایا کہ منگل کی رات گشت پر نکلی تھانہ پولیس نے خفیہ معلومات کی بنیاد پر سیکٹر 19میں واقع 'انڈو گولف ہسپتال کے پاس سے آگرہ کے رہنے والے ابھیشیک اپادھیائے کو گرفتار کر لیا۔
انہوں نے بتایا کہ اس کے پاس سے پولیس نے سونے کی 10 چین، 2000 نقد اور لوٹ میں استعمال کی جانے والی ہائی اسپیڈ موٹر سائیکل برآمد کئے ہیں۔تھانہ انچارج نے بتایا کہ تفتیش کے دوران ملزم نے لڑکیوں پر پیسے خرچ کرنے کے لئے لوٹ مار کرنے کی بات کہی۔
اس کی گرل فرینڈ آگرہ کے ایک مشہور کالج میں پڑھائی کر رہی ہے۔ انہوں نے بتایا کہ ملزم بھی آگرہ کے ایک کالج سے بی ایس سی کی تعلیم حاصل کر رہا ہے اور اب کچھ دنوں سے نوئیڈا سیکٹر 12 میں رہ رہا تھا۔ ملزم نے بتایا کہ اس کے والد جالندھر کے ایک نامی گرامی اخبار میں ایڈیٹر کے عہدے پر کام کر رہے ہیں۔
