ساکشی مہاراج کو دھمکی دینے والا شخص گرفتار

ریاست اترپردیش کے ضلع بجنور سے اے ٹی ایس کی ٹیم نے اناؤ کے رکن اسمبلی ساکشی مہاراج کو بم سے اڑانے کی دھمکی دینے والے شخص کو گرفتار کرلیا ہے۔

ریاست کے وزیراعلی یوگی آدتیہ ناتھ کو دھمکی دینے والوں کی گرفتاری کے بعد اب اے ٹی ایس کی ٹیم نے رکن اسمبلی ساکشی مہاراج کو غیر ملکی نمبر سے فحش کلامی کرنے والے اور بم سے اڑانے کی دھمکی دینے والے محمد غفار کو گرفتار کیا ۔

اے ٹی ایس کی ٹیم نے ساکشی مہاراج کو دھمکی دینے والے کو گرفتار کیا

ملزم نے اناؤ کے رکن اسمبلی کو ایک غیر ملکی نمبر سے فون کرکے فحش کلامی کی تھی، ساتھ ہی ساکشی مہاراج کو بم سے اڑانے کی دھمکی دی تھی۔جس کے بعد اے ٹی ایس پورے معاملے کی تحقیقات میں لگ گئی۔

اے ٹی ایس نے دفعہ 508(اکسانا) 507( پہچان چھپاکر دھمکی دینا) اور انفارمیشن ٹیکنالوجی ترمیمی ایکٹ کے تحت اے ٹی ایس پولیس اسٹیشن میں ایف آئی آر درج کی تھی۔جس کے بعد اے ٹی ایس کی ٹیم نے کارروائی کرتے ہوئے محمد غفار کو گرفتار کیا ہے۔

ملزم کے پاس سے ایک موبائل فون، بھارتی پاسپورٹ، ادھار کارٹ، سیول آئی ڈی (کویت) برآمد کی گئی ہے۔