اس ٹرین میں بارہ بنکی اور اطراف کے علاقوں سے تعلق رکھنے والے کئی مزدور سوار ہیں، اس تعلق سے انتظامیہ نے اسٹیشن پر تمام تیاریاں مکمل کرلی ہیں۔
واضح رہے کہ 23 مارچ کے بعد سے بارہ بنکی ریلوے اسٹیشن پر ہونے والی معمول کی گہما گہمی مکمل طور سے تھمی ہوئی ہے، حالانکہ اس اسٹیشن سے مال گاڑیاں تو گزری ہیں لیکن مسافر بردار ٹرین پہلی مرتبہ آرہی ہے۔
جمعرات کے روز اسٹیشن پہنچنے کے بعد ان مزدوروں کو پلیٹ فارم نمبر ایک پر اترنا ہے اور پلیٹ فارم پر انتظامیہ کی جانب سے تمام انتظامات اور حفظان صحت کے اقدامات کیے جارہے ہیں۔
مزدوروں کی اسپیشل ٹرین میں سوار مزدودوں کی آمد سے بھیڑ بڑھنے کے پیش نظر چند جگہوں کی بیریکیڈنگ کی گئی ہے اور سوشل ڈسٹنس پر عمل کرانے کے لیے پلیٹ فارم پر ہر ایک میٹر کی دوری پر نشان بھی بنائے جارہے ہیں۔
اس تعلق سے آر پی ایف کے ڈیویزنل کمانڈر ابھیشیک کمار نے ریلوے اسٹیشن کا دورہ کیا ہے اور اپنے اہلکاروں کو ضروری ہدایات دی ہیں۔